«
»

पहिले-वहिले

By वाचून बघा

थरथर हाती लिहिलेले
नवथर भावे भिजलेले
स्मृतिगंधाने दरवळले
पत्र तुझे पहिले-वहिले!

‘प्रिय’शब्दाने सजलेले
हॄदयातुन जे रुजलेले
अलगद पत्रात उतरले
लाजरे बोल ते पहिले

मुग्ध गूज ओठांवरले
नजरांनी होते कथिले
सांगण्या शब्दही स्फुरले
ते पत्र तुझे गे पहिले..

बहु दिवसांनी सापडले
पुस्तकी जुन्या दडलेले
आज पुन्हा आठवले
काळिज ते धडधडलेले !

This entry was posted on 08 06 2008 at 4:07 pm and is filed under मराठी कविता. You can follow any responses to this entry through the RSS 2.0 feed. You can leave a response, or trackback from your own site.

2 प्रतिसाद to “पहिले-वहिले”

  1. shrikrishnasamant Says:
    09 06 2008 at 9:38 सकाळी | Reply

    कविता फारच सुदर आहे.
    सामंत

  2. mehhekk Says:
    16 06 2008 at 10:36 pm | Reply

    old memories always r near the heart,surekh bhavnik sangam sundar

तुमचा अभिप्राय नोंदवा